Монголбанкнаас валютын захын дэд бүтцийг сайжруулах, хүртээмж, мэдээллийн ил тод байдлыг нэмэгдүүлэх зорилгоор Блүүмберг терминалийн “Банк хоорондын валют арилжааны цахим талбар”-ыг өнгөрөгч оны дөрөвдүгээр сард нэвтрүүлсэн.
Монголбанкны зүгээс банк хоорондын валют арилжааны цахим талбарыг дотоодын нөөцөд тулгуурлан хөгжүүлж, өмнөх талбарыг сайжруулсан бөгөөд шинэ цахим талбарыг 2018 оны арванхоёрдугаар сарын 21-нээс ашиглаж эхлээд байна.
Шинэчилсэн хувилбарыг ашиглаж эхэлснээр үйл ажиллагааны эрсдэлийг бууруулж, мэдээллийн хүртээмжтэй байдлыг нэмэгдүүлэн дотоодын валют арилжааны захын хөгжилд чухал хувь нэмэр оруулна гэж Төв банкны зүгээс мэдэгджээ.
